Túrkııa Ulttyq bilim mınıstrligi tarıh páni baǵdarlamasyna túbegeıli ózgeris engizdi. «Ortalyq Azııa» termıni «Túrkistan» termınimen aýystyryldy. Mamandar bul sheshim bolashaq urpaq boıynda ulttyq biregeılik pen patrıotızmdi nyǵaıtýǵa baǵyttalǵanyn atap ótti, dep habarlaıdy Egemen.kz TRT Haber –ge silteme jasap.
Bilim mınıstrliginiń usynysyn Túrkııa prezıdenti Rejep Taıyp Erdoǵan da qoldady.
«Túrik ǵasyry» týraly kózqarasymyzdy Túrki memleketteri uıymyna deıin jetkizip, aldaǵy kezeńdi túrikterdiń dáýiri etý úshin ıyq tirestiretin bolamyz» dedi ol.
Professor Ahmet Tasaǵyldyń aıtýynsha «Túrkistan» termıniniń tarıhı maǵynasy «Túrikterdiń otany» degendi bildiredi.
«Túrkistan uǵymyn oqýlyqtarǵa engizý óte durys sheshim boldy. О́ıtkeni, Túrkııa da, Túrkistan da túrikter basym turatyn aımaq degendi bildiredi», dep qosty dosent Ramın Sadyq.
Sarapshy túrki áleminiń ortaq tarıhy, geografııasy, ádebıeti, kartasy men álipbıin qurýǵa baǵyttalǵan belsendi qadamdar kezeńinde Ulttyq bilim mınıstrliginiń «Túrkistan» termınin balalarǵa arnalǵan oqýlyqtarǵa engizý týraly sheshimin eleýli ózgeris dep atady.
Onyń pikirinshe, bul - búkil túrki álemi úshin mańyzdy bastama.